Ние треба да се загрижиме заради воздухот кој го дишеме. И не само тоа: ние би требало да се плашиме од воздухот кој го дишеме! Во денешниот свет, воздухот станува проблем опасен по живот, и тоа не само воздухот кој го дишеме надвор, на градските улици, туку и воздухот во нашите домови и канцеларии – местата на кои би требало да се чувствуваме безбедни и сигурни.

Кога ќе погледнеме на фактите, вклучувајќи ги и последните научни и стручни истражувања, станува болно јасно дека ниту улиците ниту нашите домови не се безбедни места за живот и работа! Што можеме да направиме? Не можеме едноставно да скокнеме на друга планета. Ние живееме овде, на Земјата, и за несреќа Земјата станува сè повеќе негостољубива за живот. Треба да сториме нешто – за Земјата и за нашите семејства.

Ние во Zepter веруваме дека најголемиот број луѓе не ги познаваат фактите за загадувањето на воздухот и здравствените проблеми кои тоа ги предизвикува. Во овој документ накусо ќе опишеме неколку од овие проблеми. Вистината може да боли, но продолжете со читањето. За да се заштитиме себе си и нашите семејства, важно е да го запознаеме непријателот.

Веројатно најлошиот проблем со оваа закана е тоа дека дури и не знаеме дека тоа навистина се случува. Лесно е да се размислува во стил "Тоа нема да ми се случи мене!" Сувата кашлица во текот на зимата, солзливите очи и затнатиот нос може да се објаснат и со други работи. Настинките, грипот и други болести честопати оправдано ја сносат одговорноста за голем број симптоми. Но кога ќе откриеме дека тоа ни се случува нам, дека дишеме затруен воздух, веќе е предоцна. Штетата е веќе направена и нашите тела се ослабени и болни.