РЕКИ ОД ПРАШИНА
Како и океанот, нашата атмосфера е исполнета со бројни струења. Овие струи можат да ги пренесат прашината и загадувањето од едно место скоро до кое било друго место на свет. Песокот од Сахара е откриен во големо количество на Карибите, па дури и измешан со снеговите на Скандинавија! Ова се нормални, природни процеси кои се одвиваат во атмосферата. Истите воздушни струи можат да ги носат и загадувачите настанати со активностите на човекот. Живеењето на село не нè штити од отровите создадени во индустриските области.
На пример, радиоактивниот облак од Чернобил стасал дури до Јапонија!
Нашата околина содржи најмалку 12 хемикалии за кои се знае дека се крајно опасни за луѓето, а воздушните струи ги шират насекаде. Реките од прашина се претворија во реки од отрови. Вештачки создаденото загадување се шири до најоддалечените места на светот! Дали некаде преостанало место со чист воздух кој може да се дише?
|
